Սիրտս Կը Բանամ Քեզի

-
Քու ներկայութիւնդ իմ սրտիս միակ փափաքն է: Ի՜նչ գեղեցիկ ես Տէր: Աւելի գեղեցիկ ես քան աստղերն ու տիեզերքը: Քու գեղեցկութիւնդ կը հալեցնէ սիրտս: Կը փափաքիմ քու երեսդ դիտել մինչեւ քունի անցնիմ եւ երազներուդ մէջ կորսուիմ: Տէր Յիսուս, կը սիրեմ քեզ:

Զիս կ'առաջնորդես ճամբաներուդ մէջ: Ինծի կը խօսիս սրտիդ փափաքներուն մասին: Ո՞վ եմ ես Տէր, որ ինծի հետ բարեկամի պէս կը վարուիս: Ի՞նչու ինծի կը հաւատաս: Ի՞նչու այդքան վստահութիւն ունիս ինծի հանդէպ: Քեզի հետ ուրախ եմ: Կ'ուզեմ քեզ հաճեցնել: Կ'ուզեմ քեզի հետ մնալ: Կ'ուզեմ աւելի սորվիլ սրտիդ մասին: Կ'ուզեմ փոխուիլ:

Քու սրտիդ առատութենէն կու տաս ինծի: Քու մեծութենէդ բաժին կը հանես ինծի: Քու պատիւովդ կը պսակես զիս: Ես քուկդ եղայ: Ես փոխուեցայ եւ աճեցայ: Հասունցայ եւ հիմա սիրոյդ համար պատրաստ եմ Տէր: Զիս չի հետաքրքրեր այլեւս ոչ մէկ ուրիշ բան, բացի քու բաներդ: Ես քուկդ եղայ եւ դուն` իմս յաւիտեան:

Քեզի հետ կ'անցնեմ օրս: Քեզմէ միայն կը ստանամ իմ պէտքս: Ես փոխուեցայ: Քու շնորhքիդ մէջ աճեցայ: Իմ էութիւնս քու մէջդ գտայ: Իմ արագաստս եւ ճամբորդութիւնս քուկդ է Տէր: Փչէ՛ Հոգիդ իմ երեսիս վրայ եւ տար խոր ովկեանոսին մէջ՝ հոն ուր մարդ չէ գացած, հոն ուր զիս կը սպասես, հոն ուր կեանք կը նորոգես:

Սիրտս կը բանամ քեզի:


Comments

Post a Comment

Popular posts from this blog

Միաբանութիւն եւ Յաղթութիւն

-
Image
«“Եթէ ձեզմէ երկու հոգի համաձայնին երկրի վրայ՝ որեւէ բան խնդրելու, պիտի ըլլայ անոնց իմ Հօրմէս՝ որ երկինքն է”։ Որովհետեւ ուր որ երկու կամ երեք հոգի հաւաքուած ըլլան իմ անունովս, ես հոն եմ՝ անոնց մէջ» (Մտ 18.19-20)։ «Ես Աշխարհին Յաղթեցի» (Յհ 16.33): Մեր Տէրը յաղթեց աշխարհին մեզի համար: Իր յաղթութիւնը պահելով եւ հռչակելով, մենք մեր կեանքերով իր յաղթութեան զօրութիւնը մատչելի կը դարձնենք: Յիսուս կու տայ եկեղեցիին իր իշխանութիւնը՝ (Մտ 10.1, Գրծ 10.38-43, Մտ 16.18) •  Պիղծ ոգիները հանելու համար: •   Հիւանդներ բժշկելու համար: •  Սատանայէն տանջուածները բժշկելու համար: •  Դժոխքին դռներուն յաղթելու համար: Յիսուս իշխանութիւնը տուաւ աշակերտներուն , որովհետեւ այս իշխանութիւնը պիտի գործէր զօրութեամբ   անոնց եւ մեր միաբանութեան մէջ: Նոր Կտակարանին մէջի ա ռաջին Եկեղեցիին մէջ՝ միաբանութեան կեանքը եւ Տիրոջ գործը նկարագրուած է շատ տպաւորիչ ձեւով (Գրծ 2.46-47): Հին Կտակարանին մէջ՝  Եկեղեցիին մէջի միաբանութեան զօրութիւնը մարգարէաբար ներկայացուած է Ամ...
Read more

Դուն Պիտի Շինես (Աստուծոյ Տունը Շինող – Դ. Մաս)

-
Image
Երբ Շինելու Սկսիս «Յուդայի ու Բենիամինի թշնամիները, երբ լսեցին թէ գերութենէ վերադարձողները Իսրայէլի Տէր Աստուծոյն տաճարը կը շինեն, Զօրաբաբէլին ու նահապետներուն մօտեցանու անոնց ըսին. ‘ Մենք ալ ձեզի հետ շինենք... ’ » (Եզրաս 4.1-2): Թշնամին քեզի չի մօտենար երբ իրեն սպառնալիք մը չես ներկայացներ: Ան քու ծառայութեանդ լուրը հեռուէն կ’առնէ (Եզր 4.1): Քու գործդ պարզ գործ չէ՛ եւ քու զօրութիւնդ պարզ զօրութիւն չէ՛: Պէտք է արթուն ըլլալ եւ պատրաստ իր հնարքներուն: Սատանան Ստախօս է «Մենք ալ ձեզի հետ շինենք…» (4.2): Սատանան կը մօտենայ լոյսի հրեշտակի մը պէս (Բ. Կր 11.14): Եթէ ան մուտք գործէ, արդէն յաջողութիւնը իրն է: Կը տեսնե՞ս զԻնք եւ իր սուտերը: Ան կ’ուզէ քեզմէ Խօսքը գողնալ (Մտ 13.1-23): Դէմ Դի՛ր Թշնամին միշտ կ’առաջարկէ ձեւեր քու ծառայութիւնդ աւելի դիւրին եւ հանգիստ դարձնելու: Ան կ’առաջարկէ շատ տրամաբանական եւ գործնական լուծումներ: Յիշէ՛ որ ան առանց քու արտօնութեանդ ոչինչ կրնայ ընել: Իշխանութիւնդ գործածէ՛ եւ դէմ դիր թշնամիին: «Չի վայելեր ձեզի որ մէկ տեղ մեր Աստուծոյն տ...
Read more

Աստուծոյ Որդիներ (Ղկ 4.1-13)

-
Image
Երբ Յիսուս մկրտուեցաւ, Սուրբ Հոգին երկնքէն իր վրայ հանգչեցաւ եւ Հայր Աստուած երկինքէն խօսեցաւ ըսելով՝ « Դուն ես իմ սիրելի Որդիս , քեզի հաւնեցայ » ( Ղկ 3.22 ): Մեր Որդիական ինքնութիւնը Աստուծմէ պարգեւ է ... Բայց նաեւ փորձառութիւն է : Յիսուսի մկրտութենէն անմիջապէս ետք , Սուրբ Հոգին զինք տարաւ անապատ Սատանայէն փորձուելու համար ( Մտ , Ղկ 4.1-2 հմմտ. Գղ 1.15-18 ): Աստուծոյ ծրագիրն է Սատանային գործերուն վերջ դնել ( Ա . Յհ 3.8) : Ան պէտք ունի որդիներու որոնք ոչ միայն պարգեւ եւ հաճութիւն կը ստանան , այլեւ կարող են իրենց որդիական ինքնութեամբ քալելու : Աստուած մեզի խոստացած է յաղթութիւն : Մենք Սուրբ Հոգիով լեցուած ենք եւ Սատանային գլուխը պիտի ջախջախենք : Սակայն Սուրբ Հոգին կարեւոր կը նկատէ նախ մեզի անապատ տանիլ : Ո՞ւր է Անապատը Յունարէնով՝ ἔρημος ( erēmos ) , կը նշանակէ՝ ·         Անբնակ , լքուած ·         Առանձնութեան տեղ ·  ...
Read more